भदौ ८, धनगढी । सर्पले टोक्दा कैलालीमा एकै घरका दुई बालिकाको मृत्यु भएको छ आज दिउँसो गौरीगंगा नगरपालिका–७ महुलिया बस्ने स्थान घर्तीमगरकी छोरीहरु ७ वर्षकी काजल घर्ती मगर र ४ वर्षकी नीता घर्तीमगरको मृत्यु भएको हो ।                  सर्पदंश
भुइँतलाको खाटमा सुतेका काजल र उनकी वहिनीलाई सर्पले टोकेको थियो । सर्पले टोक्नावित्तिकै सेती प्रादेशिक अस्पताल लगेर उनीहरुको उपचार गर्दा गर्दै मृत्यु भएको जिल्ला प्रहरी कार्यालय कैलालीका प्रमुख एसपी पदमबहादुर विष्टले जानकारी दिए । उनका अनुसार सर्पको टोकाईबाट बालिकाकी हजुरआमा ५५ वर्षकी रिजु घर्तीमगर घाइते भएकी छन् । उनको सेती प्रादेशिक अस्पतालमा उपचारका भइरहेको छ ।
कैलालीमै सर्पदंशवाट अरु ३ जना पनि घाइते
शनिबार सर्पकै टोकाइबाट कैलालीमा अरु तीन जना पनि घाइते भएका छन् । धनगढी उपमहानगरपालिका–१ बस्ने १३ वर्षीय उपेन्द्र केसी, गौरीगंगा नगरपालिका– ५ का १४ वर्षीय हेम बोहरा र जोशीपुर गाउँपालिका–३ कि ३४ वर्षीया उर्मिला कठरिया घाइते भएकीहुन ।
उनीहरूमध्ये केसी र बोहराको सेती प्रादेशिक अस्पतालमा र कठरीयाको मसुरियास्थित सर्पदंश उपचार केन्द्रमा उपचार भइरहेको छ । गर्मी संघसगै वर्षा परिरहेकोले सर्पदंशको धेरै सम्भावना रहेकोे र तराईमा वस्ने सवैलाई सुरक्षित रहनकालागि एसपी विष्टले सवैलाई अनुरोध गरेका छन ।