भदौ २९, कपिलवस्तु :
एस एस सम्वाददाता
नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ ले शनिवारबार शिवगढीका स्थानीय जनतासँग भेटघाट तथा अन्तरक्रिया कार्यक्रम सम्पन्न गरेका छन्। उक्त कार्यक्रममा महासचिव विप्लवले जनताको प्रत्यक्ष सवालहरू सम्बोधन गर्दै वर्तमान राजनीतिक अवस्थाका साथै पार्टीको भावी योजना र कार्यक्रमहरूबारे जानकारी गराए।
शिवगढीमा आयोजित यस कार्यक्रमको मुख्य उद्देश्य जनतासँग प्रत्यक्ष संवाद गर्दै स्थानीय समस्या र मुद्दाहरूलाई बुझ्नु तथा समाधानको लागि जनताको राय सङ्कलन गर्नु रहेको थियो। कार्यक्रममा विप्लवले जनताको वास्तविक हक, अधिकार, स्वतन्त्रता, र समृद्धिको पक्षमा पार्टी निरन्तर संघर्षरत रहेको बताए।
जनतासँगको अन्तरक्रियामा उनले विकास, शिक्षा, स्वास्थ्य, र रोजगारीका मुद्दाहरूलाई प्राथमिकतामा राखेर काम गर्न पार्टीले योजना बनाइरहेको जानकारी गराए। साथै, विप्लवले पार्टीका भावी योजनामा जनताको सक्रिय सहभागिता र समर्थन आवश्यक रहेकोमा जोड दिए।
कार्यक्रममा स्थानीय किसान, मजदुर, विद्यार्थी, र व्यवसायीहरूका साथै विभिन्न सामाजिक सङ्घ-संस्थाका प्रतिनिधिहरूले पनि आ-आफ्नो धारणा राखेका थिए। उनीहरूले महासचिव विप्लवलाई स्थानीय तहमा देखिएका समस्या र आवश्यकताबारे अवगत गराउँदै तिनको समाधानका लागि पार्टीले अझ सक्रियता देखाउन आग्रह गरे।
कार्यक्रमको समापनमा महासचिव विप्लवले जनताको माग र आवश्यकता अनुसार पार्टीले आगामी दिनमा ठोस कार्यक्रमहरू अघि सार्ने प्रतिबद्धता व्यक्त गरे।
