धनराज गुरुङले भने: “ज्योतिको गल्तीमा म दोषी भए, रविको गल्तीमा निकितालाई कारबाही गर”
कार्तिक ७, काठमाडौं : नेपाली कांग्रेसका उपसभापति धनराज गुरुङले सहकारी ठगी प्रकरणमा आफूलाई दोषारोपण गर्नुको विरोध गर्दै स्पष्ट पारेका छन् कि उनको कुनै संलग्नता छैन।
राष्ट्रिय स्वतन्त्र पार्टी (रास्वपा)का सभापति रवि लामिछानेको पक्राउविरुद्ध पार्टीले गरिरहेको आन्दोलनमा गुरुङको तस्बिर प्रयोग गरिएकोमा उनले आपत्ति जनाएका छन्।
सामाजिक सञ्जालमा एक पोस्टमार्फत उनले ज्योति गुरुङको गल्तीमा आफूलाई दोषी बनाइएकोमा आक्रोश व्यक्त गर्दै भने, “ज्योतिको गल्तीमा मलाई दोषी ठहर्याउन सकिन्छ भने, रविको गल्तीमा निकिता पौडेललाई पनि हिरासतमा राख्न र कारबाही गर्न किन माग नगरेको?”
गुरुङले संसदमा निष्पक्ष छानबिनको माग राखिसकेको उल्लेख गर्दै भने, “सहकारी ठगी प्रकरणमा मेरो कुनै संलग्नता छैन। भ्रष्टाचार र भ्रष्टाचारीविरुद्ध म सधैँ खरो उत्रन्छु।”
