कार्तिक ८, काठमाडौं : हाल देशभर पश्चिमी वायुको प्रभाव कायम रहनुका साथै कोशी, बागमती, र गण्डकी प्रदेशका पहाडी भागमा स्थानीय वायुको आंशिक प्रभाव रहेको छ।
बिज्ञापन
जल तथा मौसम विज्ञान विभागका अनुसार मधेससहित लुम्बिनी प्रदेशका पहाडी भागमा आंशिकदेखि साधारण बदली रहँदा देशका अन्य भागमा आंशिक बदलीसँगै मौसम मुख्यत: सफा रहनेछ।
आज दिउँसो गण्डकी, कोशी, बागमती, कर्णाली, र सुदूरपश्चिम प्रदेशका पहाडी भागका एक–दुई स्थानमा हल्कादेखि मध्यम वर्षा हुनसक्ने अनुमान गरिएको छ।
रातको समयमा कोशी, गण्डकी, र सुदूरपश्चिम प्रदेशका पहाडी क्षेत्रमा आंशिकदेखि साधारणतया बदली रहनुका साथै बाँकी स्थानमा मौसम सफा रहने बताइएको छ।
समग्रमा, यी पाँच प्रदेशका पहाडी भागमा एक–दुई स्थानमा हल्का वर्षा हुने सम्भावना रहेको विभागले जनाएको छ।
