मंसिर ६, काठमाडौं : सेयर बजार मापक नेप्से परिसूचक बिहीबार ३१.३१ अंकले घटेर २,६८०.४४ विन्दुमा पुगेको छ। बुधबारको तुलनामा नेप्से १.१५ प्रतिशतले घटेको हो। बुधबार भने नेप्से करिब १० अंकले बढेको थियो।
बिज्ञापन
आजको कारोबारमा ४३ कम्पनीको सेयर मूल्य बढ्दा, १९७ कम्पनीको घट्यो, र बाँकी ४ कम्पनीको मूल्य स्थिर रह्यो।
बिहीबार ३१४ कम्पनीका १ करोड ८४ लाख ७४ हजार २४ कित्ता सेयर किनबेच भए। कुल ८४ हजार ८५८ पटकको खरिद-बिक्रीबाट ८ अर्ब २५ करोड ७६ लाख रुपैयाँ बराबरको कारोबार भएको छ। अघिल्लो दिनको तुलनामा कारोबार रकममा वृद्धि भएको हो। बुधबार ७ अर्ब ९ करोड २८ लाख ७९ हजार रुपैयाँ बराबरको कारोबार भएको थियो।
