मंसिर, १२ काठमाडौं : नेपाल विद्युत् प्राधिकरणले लोडसेडिङको समयमा डेडिकेटेड फिडर र ट्रंकलाइन प्रयोग गरेर विद्युत् उपभोग गरेपछि बक्यौता नतिर्ने ३४ उद्योगको खाता रोक्का गर्न नेपाल राष्ट्र बैंकलाई पत्राचार गरेको छ।

प्राधिकरणका कार्यकारी निर्देशक कुलमान घिसिङले नेपाल सरकारको कार्तिक २५ को निर्णय र विद्युत् नियमन आयोगको मंसिर ११ को निर्देशनलाई आधार मान्दै उक्त पत्राचार गरेका हुन्।

बिज्ञापन

आयोगले प्राधिकरणलाई बक्यौता नतिर्ने उद्योगहरूको लाइन काट्न र अन्य दबाबमूलक कारबाहीका उपाय अपनाउन निर्देशन दिएको थियो। यसै सन्दर्भमा घिसिङले राष्ट्र बैंकलाई खाता रोक्का गर्ने प्रक्रिया अघि बढाउन आग्रह गरेका हुन् ।

बिज्ञापन