बैतडी, चैत्र २३
बैतडीको दशरथचन्द नगरपालिका-११ नानिगाडमा शुक्रबार राति जीप दुर्घटना हुँदा ४ जना घाइते भएका छन्। देहीमाण्डौंबाट गिरेगडातर्फ जाँदै गरेको बि.ए.सी ५६५९ नम्बरको जीप सडकबाट करिब ४० मिटर तल खसेको जिल्ला प्रहरी कार्यालय बैतडीले जनाएको छ।
दुर्घटनामा परी पञ्चेश्वर गाउँपालिका-६ घर भएका ३५ वर्षीय जीप चालक राकेश कोली, सोही ठाउँका ५२ वर्षीय लालीराम कोली, पञ्चेश्वर-५ का ५४ वर्षीय चन्चले दयाल र दशरथचन्द नगरपालिका-१० की अन्दाजी ३० वर्षीया कविता परियार घाइते भएका प्रहरी निरीक्षक बलराम पाण्डेयले जानकारी दिए।
घाइतेमध्ये चञ्चले दयालको अवस्था गम्भीर रहेको र अन्यको अवस्था सामान्य रहेको प्रहरीले जनाएको छ। सबै घाइतेलाई उपचारका लागि जिल्ला अस्पताल पुर्याइएको छ।
प्रहरीले दुर्घटनाको कारणबारे थप अनुसन्धान गरिरहेको छ।
बिज्ञापन
