पोखरा – नेपाल कम्युनिस्ट पार्टी (नेकपा) गण्डकी प्रदेश कार्यालयले उत्पादनमुखी अभियानलाई निरन्तरता दिँदै पोखरा महानगरपालिका–१३, छिनेडाडास्थित आफ्नै कार्यालय परिसरमा हिउँदे धान रोपेको छ।
प्रदेश इन्चार्ज शिलु सीका अनुसार पार्टीले समाजवादको व्यावहारिक अभ्यासलाई देखाउन र कार्यकर्तालाई आत्मनिर्भर बनाउन उत्पादनमा जोड दिएको हो। धान रोपाइँ कार्यक्रममा प्रदेशका नेता, कार्यकर्ता र स्थायी समिति सदस्यहरूको सहभागिता थियो।
यसअघि कार्यालय परिसरमा मकै खेती गरिएको थियो भने हाल काँक्रो लगायतका नगदे बाली पनि उत्पादन भइरहेको नेकपा गण्डकी प्रदेशले जनाएको छ। पार्टीले उत्पादनलाई राजनीतिक गतिविधिसँग जोडेर उत्पादन नै समाजवादको आधारशिला भएको सन्देश दिन खोजेको छ।
बिज्ञापन
